Page 1

Overordna Beredskapsplan Sist ajourført 9. september 2020. Vedteken i Ulstein kommunestyre 23.04.2015 sak PS 15/29

Page 2

Overordna beredskapsplan for Ulstein kommune 1 Målsetting _____________________________________________________________ 3 1.1 Lovheimel for beredskapsarbeidet ____________________________________________ 3 2 Hovudprinsipp – kommunerolle ____________________________________________ 3 3 Ansvarsfordeling for beredskapsarbeidet _____________________________________ 4 4 Beredskapsrådet ________________________________________________________ 5 5 Årshjul _________________________________________________________________ 5 6 Oversikt over beredskapsplanar i kommunen _________________________________ 7 7 CIM – krisestøtteverkty ___________________________________________________ 8 8 Øvingar og evaluering ____________________________________________________ 8 8.1 Øvingar __________________________________________________________________ 8 8.2 Opplæring av tilsette _______________________________________________________ 8 8.3 CIM – kursing og øvingar ____________________________________________________ 9 8.4 Evaluering ________________________________________________________________ 9 9 Befolkningsvarsling ______________________________________________________ 9 10 ROS-analysar __________________________________________________________ 9 11 Ajourhald____________________________________________________________ 10 12 Distribusjon av beredskapsplanverket_____________________________________ 10 13 Vedlegg _____________________________________________________________ 10 14 Øvrige vedlegg – RiskManager __________________________________________ 10 Side 2 av 10

Page 3

Overordna beredskapsplan for Ulstein kommune 1 Målsetting Ulstein skal vere ein trygg kommune å bu i. Kommunen skal førebygge kriser og uønskte hendingar gjennom å ta beredskapsmessige omsyn ved kommunal planlegging, utbygging og drift. Når uønskte hendingar likevel oppstår, skal kommunen vere i stand til å takle dei på ein god måte. Beredskapsplanen skal sikre at beredskapsarbeidet vert gjennomført på ein slik måte at det oppfyller krava i lov og forskrift. Vidare skal den sikre ei god implementering av beredskapsarbeidet i organisasjonen, godt samarbeid med andre offentlege og private aktørar, samt tilfredsstillande trening av personell som har roller i beredskapsarbeidet. Den overordna beredskapsplanen er saman med resten av beredskapsdokumentasjonen tilgjengeleg i kommunen sitt kvalitetssikringssystem RiskManager under «Krise og Beredskap». 1.1 Lovheimel for beredskapsarbeidet Sivilbeskyttelseslova av 25. juni 2010 Forskrift om kommunal beredskapsplikt av 22. august 2011 2 Hovudprinsipp – kommunerolle Samfunnssikkerheit handlar om eit samfunn si evne til å ta vare på liv og helse, og dekke grunnleggande behov for innbyggjarane, samt oppretthalde viktige funksjonar under ulike påkjenningar. God samfunnssikkerheit føreset førebygging av uønskte hendingar, og beredskap som reduserer skadeverknadane når noko likevel går gale. Kommunane er ein viktig del av den totale samfunnsberedskapen. Alt beredskapsarbeid skal kvile på fire hovudprinsipp: 1. Ansvarsprinsippet: Den sektoren/eininga/leiaren som har ansvaret i det daglege, har også ansvar for ROS- analyser, skadeførebygging og beredskapstiltak. 2. Nærleikprinsippet: Kriser bør handterast på lavast moglege myndigheitsnivå 3. Likskapprinsippet: Organisasjonen som skal handtere ei krise eller ulykkeshending, bør vere mest muleg lik den organisasjonsstrukturen som ein har ved normal drift. 4. Samvirkeprinsippet: Myndigheit, verksemd eller eining har eit sjølvstendig ansvar for å sikre best mogleg samvirke med relevante aktørar i arbeidet med førebygging, beredskap og krisehandtering. Ein beredskapsplan blir definert som «førebudde handlingar for å møte ulykker og andre uønskte hendingar ut over det som blir rekna om normalrisiko og normalpåkjenning». Ulstein kommune har ansvar for å foreta ROS-analysar og innarbeide god krisehandteringsevne i samfunnsplanlegginga: 1. Sette mål og forplikte organisasjonen gjennom vedtak i styrande organ. 2. Utvikle kartlegging og krisehandteringsevne gjennom relevante undersøkingar/planar/opplæring/godt utstyr og øvingar i einingane og i den administrative organisasjonen. 3. Utarbeide beredskapsplanar for situasjonar der den ordinære organisasjonen ikkje er tilstrekkeleg 4. Evaluere og utvikle arbeidet gjennom faste rutinar for ajourhald og revisjon. Side 3 av 10

Page 4

Overordna beredskapsplan for Ulstein kommune ansvar nærleik krisehandtering likskap samvirke 3 Ansvarsfordeling for beredskapsarbeidet Kommunestyret vedtek overordna mål og retningsliner for alt kommunalt arbeid som har med samfunnssikkerheit, krise og beredskap å gjere. Kriseleiinga i Ulstein kommune er kommunen sitt operative styringsorgan for å handtere samfunnsmessige alvorlege og uforutsette hendingar som større ulykker, skred, sterk vind, flaum, flodbølgjer m.m. Kriseleiinga er samansett av:  Ordførar  Varaordførar  Kommunedirektør  Kommunalsjef for organisasjon og utvikling  Kommunalsjef for teknisk  Kommunalsjef for oppvekst og kultur  Kommunalsjef for helse og omsorg  Kommuneoverlege  Beredskapskoordinator, leiar for demokrati og kommunikasjon  Leiar for servicetorg og dokumentsenter  Representant for SSIKT  Lensmannen i Ulstein og Hareid Kriseleiinga kan nytte inntil kr 1 mill utan særskilt løyving i budsjettet til rednings- og skadereduserande tiltak i ein akuttsituasjon. Denne fullmakta er gitt ved kommunestyrevedtak den 02.07.1998 sak 98/0065 med heimel i kommunelova § 13. Det er ikkje utpeika vararepresentantar til den kommunale kriseleiinga, då kriseleiinga er breitt samansett med til dels overlappande funksjonar (ordførar/varaordførar, rådmann/ass. rådmann). Ordføraren har det overordna ansvaret og er leiar i kriseleiinga. Han er kommunen sitt ansikt utad i ein krisesituasjon. Det kan likevel oppstå situasjonar der einingsleiarar må informere om situasjonen på si eining. Side 4 av 10

Page 5

Overordna beredskapsplan for Ulstein kommune Kommunedirektøren skal følgje opp dei overordna måla for arbeidet med samfunnstryggleik og beredskap på tenestenivå og er mellom anna ansvarleg for å koordinere aktivitetane i kommuneorganisasjonen. Kommunedirektøren leier det operative arbeidet med tanke på intern organisasjon, medan ordføraren har ansvar for den eksterne kriseinformasjonen. Beredskapskoordinatoren er ein fagansvarleg som på vegne av kommunedirektøren og ordføraren følgjer opp og koordinerer arbeidet med hovudberedskapsplanen og det tverrfaglege perspektivet i arbeidet med samfunnssikkerheit, krise og beredskap i Ulstein kommune. Beredskapskoordinator har følgjande funksjonar:  Syte for at beredskapsarbeidet blir gjort kjent i organisasjonen  Ta initiativ til arbeid med identifisering av risiko, gjennomføring av ROS-analysar og etablering av rutiner.  Følgje opp kvalitetssystemet.  Bistå rådmann med planlegging og gjennomføring av øvingar.  Delta i kriseleiinga.  Vere oppdatert på beredskapsarbeid.  Vere kontaktperson mot Fylkesmannen i det praktiske beredskapsarbeidet. Kvar einskild einingsleiar og fagansvarleg har delegert ansvar og mynde med tanke på særskilde planar og tiltak innan sine definerte ansvarsområde og er ansvarleg for at:  Beredskapsplanar knytt til verksemda ajourførast og gjort kjent.  Planverk skal gjennomgåast ein gong i året på personalmøte.  Einingsleiar skal bidra i ROS-analysearbeid som vedkjem verksemda. 4 Beredskapsrådet er eit samrådingsorgan som i tillegg til medlemmar frå kriseleiinga, har medlemmer frå frivillige organisasjonar, lokale statlege organ og forsvar/sivilforsvar. Beredskapsrådet i Ulstein kommune er sett saman slik:  Heile kriseleiinga  Sivilforsvaret  Heimevernet  Mørenett as  Sørøyane Røde kors Hjelpekorps  NAV  Mattilsynet  Jordbrukssjef  Den maritime næringa (Mafoss) Beredskapsrådet skal vere eit forum for samarbeid og for gjensidig informasjon om dei einskilde gruppene sin beredskapsmessige status. Beredskapsrådet skal møtast minst annakvart år. 5 Årshjul Side 5 av 10

Page 6

Overordna beredskapsplan for Ulstein kommune Årshjul-rutinar: JANUAR - FEBRUAR  Oppdatering planverk/kontaktinfo, e-post ut til leiarforum for innhenting av data.  Print av nye kriseleiing-kort  Gjennomgang av CIM med kriseleiing  Informasjon i Leiarforum  Intern varslingsøving MARS - APRIL  Test av satelittelefonar  Øving CIM-sekretariat  Møte i beredskapsrådet ( minimum 2. kvart år) MAI - JUNI  Fagsamling om beredskap – Fylkesmannen i Møre og Romsdal  Øving – innkalling av kriseleiing JULI - AUGUST  Test av satelittelefonar  Øving CIM med beredskapssekretariat SEPTEMBER - OKTOBER  Halvdagsøving med kriseleiing og sekretariat NOVEMBER - DESEMBER  Brukarforum CIM - Fylkesmannen i Møre og Romsdal  Test av satelittelefonar  Øving – innkalling av kriseleiing Kommunestyret skal kvart 4. år få ein gjennomgang av beredskapsplanverket på RiskManager, som ein del av politikaropplæringa. Varslingslister og øvrig kontaktinformasjon skal haldast løpande ajour. Arbeidsutvalet til Beredskapssekretariatet (ABS) skal jamt ha møter der det vert arbeidd med ajourhald og rutinar. Side 6 av 10

Page 7

Overordna beredskapsplan for Ulstein kommune 6 Oversikt over beredskapsplanar i kommunen Forskrift om kommunal beredskapsplikt - § 4.Beredskapsplan Kommunen skal være forberedt på å håndtere uønskede hendelser, og skal med utgangspunkt i den helhetlige risiko- og sårbarhetsanalysen utarbeide en overordnet beredskapsplan. Kommunens overordnede beredskapsplan skal samordne og integrere øvrige beredskapsplaner i kommunen. Den skal også være samordnet med andre relevante offentlige og private krise- og beredskapsplaner. Overordna beredskapsplan er forankra i Ulstein kommune sin planstrategi vedteken 19.06.2014 KST-sak PS 14/60. OVERORDNA BEREDSKAPSPLAN Plan for kommunal kriseleiing Handlingsplanar Plan for Plan for beredskapssekretariat omsorgberedskapen Atomulykker Tverr- Oppvekst og Helse og NAV Hareid/ Teknisk UEKF sektoriell kultur omsorg Ulstein/Sande Evakueringsplan Generell Beredskapsvakt 2014 Beredskapsplan Brannordning 2014 beredskaps-rutine Beredskapsrutine SSIKT Smittevernplan NAV grunnskule Ekstreme vêrtilhøve Beredskapsplan mot Plan for beredskap Kriseperm skule Branninnstruks akutt forureining og smittevern 2009 Informasjon Kriseperm Plan for sorg og Lokal barnehage omsorgsarbeid sikkerhetsinnstruks Samband Rutine for Kriseperm handtering av vold kompetansesenter og truslar Straumbrot Befolkningsvarsling Side 7 av 10

Page 8

Overordna beredskapsplan for Ulstein kommune 7 CIM – krisestøtteverkty CIM er eit elektronisk krisestøtteverkty som er webbasert. Dette inneber at systemet er tilgjengeleg overalt kvar du kan kome deg til ein internettforbindelse og ein nettlesar. Systemet er rollebasert , dvs. at systemet har definerte roller som avgjer kva den enkelte får tilgang til å sjå og rettar til å utføre (lese, lagre, endre, skrive ut, administrere etc.) DSB-CIM er valt som standard verkty for informasjonsdeling i samband med kriser og uønska hendingar, samt system for varsling og mobilisering. DSB-CIM er anskaffa til fri bruk i Direktoratet for samfunnssikkerhet og beredskap (DSB), i Sivilforsvaret og hos alle fylkesmenn og norske kommunar. CIM vert levert frå One Voice i Trondheim. One Voice ivaretek servere, teknisk støtte, vedlikehald og utvikling for applikasjonen. Fylkesmennene ved dei respektive beredskapskontor er sentrale for implementering og at DSB-CIM vert teke i bruk i kommunane. Fylkesmennene og kommunane har kvar sine unike installasjonar av DSB-CIM Fylkesmannen har innsyn i ”sine” kommunars installasjonar for å kunne støtte kommunen og for å kunne styre og koordinere innsats i handteringa. Ulstein kommune vel å nytte CIM som eit reindyrka krisestøtteverkty for loggføring, meldingsformidling og rapportering, medan hovudlagringsområdet for beredskapsplanar, ressursoversikter, rutinar og liknande skal tilgjengeleggjerast i internsystemet Risk Manager, då denne er open for alle kommunalt tilsette. Varslingslister skal ajourførast både i CIM og i RiskManager. 8 Øvingar og evaluering 8.1 Øvingar Fullskalaøving med markørar og deltaking av aktuelle aktørar i kommunen Minst 4. kvart år. Kan med fordel kombinerast med øvingar i regi av Fylkesmannen, brannvesenet, politiet eller helsetenesta. Ein dag må settast av til øving og evaluering. I tillegg kjem tid til førebuing og planlegging. Øving med kriseleiing og sekretariat Minst ein gong i året. Ein halv dag må settast av til gjennomføring og evaluering. Uvarsla øving Intern varslingsøving – melding til kriseleiing via e-post og sms etter ajourføring av varslingslister i starten av året. Kvittering av motteke varsel. Uvarsla innkalling av kriseleiing - 2 gonger i året. Innkalling skjer via e-post og sms. Kriseleiinga skal møte opp på angitt lokale der øvinga vert avslutta. 8.2 Opplæring av tilsette Grunnopplæring / gjennomgang av beredskapsarbeid Kriseleiinga Beredskapssekretariatet Omsorgsberedskapsgruppa Det skal settast av tid til ein grundig gjennomgang kvart 4. år. Beredskapsplanverket skal gjennomgåast årleg etter revidering for å avdekke om nye moment skal med. Ved nytilsettingar skal det takast ein gjennomgang innan 6 månader. Side 8 av 10

Page 9

Overordna beredskapsplan for Ulstein kommune Informasjon til leiarar Det skal orienterast i leiarforum minst ein gong i året etter at beredskapsplanverket er rullert. Leiarane er ansvarleg for å formidle vidare ut i verksemdene. 8.3 CIM – kursing og øvingar Årleg gjennomgang av CIM for: Kriseleiinga Beredskapssekretariatet Omsorgsberedskapsgruppa Tilfeldig utsending av melding frå CIM der kriseleiing og sekretariat skal respondere med loggføring i CIM. Beredskapssekretariatet skal i tillegg ha 2 årlege øvingar med bruken av CIM. Opplæring av einskildpersonar ved behov. 8.4 Evaluering Når ei krise er avslutta skal det snarast mogleg takast ein gjennomgang av krisesituasjonen, samt ei evaluering av kommunen sin kriseinnsats. Det skal utarbeidast ein skriftleg rapport, der ein bl.a. vurderer behov for endring av kommunen sine beredskapsplanar. Rapporten skal lagrast i CIM under menypunkt for kriseleiing. Også alle øvingar skal i ettertid evaluerast, med skriftleg rapport som lagrast i CIM. 9 Befolkningsvarsling Ulstein kommune har UMS-system der ein raskt kan varsle innbyggarane via fasttelefonar og sms om det oppstår ei uønskt hending. Systemet er aktivt i bruk i kommunen ved varsel om vassbrot, stenging av veg og liknande. Driftsansvarleg er teknisk etat, drift- og anleggsavdelinga. Beredskapskoordinator skal ha opplæring i systemet og skal kunne sende ut UMS i ein krisesituasjon. Kommunen skal også kunne sende ut UMS-varsle via CIM. Ei kjend svakheit med systemet er at ein ved oppslag i kart får varsla kun grunneigarar som har private telefonar. Det er mogleg å abonnere på løysingar som gjev varsling til alle mobiltelefonar som er innafor eit område, men dette til ein mykje større kostnad enn det abonnementet som Ulstein kommune har i dag. Det kan sendast varsel til angitte grupper med systemet, dette krev då at ein har på plass oppdaterte distribusjonslister. Sjå elles «Plan for krisekommunikasjon i Ulstein kommune». 10 ROS-analysar Forskrift om kommunal beredskapsplikt § 2: Kommunen skal gjennomføre ein heilskapleg risiko- og sårbarheitsanalyse, herunder kartleggje, systematisere og vurdere sannsynet for uønskte hendingar som kan inntreffe i kommunen og korleis desse kan påverke kommunen. I samband med rullering av arealdelen til kommuneplanen var det gjennomført ein heilskapleg ROS- analyse, vedteken av kommunestyret 21.06.2011. Denne er heimla i plan- og bygningslova og må ajourførast og supplerast slik at den er i samsvar også med lovverket innanfor kommunal beredskapsplikt. Ein ny heilskapleg ROS-analyse vert fullført hausten 2020. Side 9 av 10

Page 10

Overordna beredskapsplan for Ulstein kommune Ei full oversikt over gjennomførte ROS-analysar innanfor heile verksemda, er å finne internt på kommunen sitt kvalitetssikringssystem RiskManager under «Krise og beredskap». 11 Ajourhald Kommunen sitt beredskapsplanverk skal til ei kvar tid vere oppdatert, og som eit minimum reviderast ein gong pr. år, jf Forskrift om kommunal beredskapsplikt § 6 Beredskapskoordinatoren har ansvaret for dette arbeidet. Redaksjonelle endringar (oppdatering av varslingslister, ressursoversikt, endring av namn, roller, tlf nr. etc) gjerast fortløpande av beredskapskoordinator. Strukturelle endringar skal godkjennast av kommunestyret. 12 Distribusjon av beredskapsplanverket Gjeldande planverk er til ei kvar tid er å finne internt på kommunen sitt kvalitetssikringssystem RiskManager under «Krise og beredskap». Fylgjande instansar skal i tillegg ha planen i papirutgåve: Kriseleiinga Fylkesmannen i Møre og Romsdal Lensmannen i Ulstein og Hareid Beredskapsrådet sine medlemmer 13 Vedlegg A. Plan for kriseleiinga 14 Øvrige vedlegg – RiskManager All dokumentasjon, rutiner og handlingsplanar som er relevant for beredskapsarbeidet i Ulstein kommune, ligg til ei kvar tid oppdatert tilgjengeleg på kommunen sitt kvalitetssikringssystem RiskManager. Side 10 av 10